[生活觀察] 香港書展 = 香港漫畫展 = ......

兩者與其說是展覽，不如說是直銷場吧～

在書展，出版社會有自己的 Booth 去賣書，平日在書店賣 70幾蚊的書可能標至半價!
在漫展，則會一間間漫畫出版社，精品店都會有平價倉底貨賣!

兩者同 D 絲襪"婆" 直銷場都好似，就係都會驚死人地唔知你間舖有平野執，個個 o係度嗌 mic!

十蚊十蚊十蚊全場都係十蚊

又會有大字報標示價錢～

有人說，書店的目標入場人士和漫畫展的是不同的；

但是我覺得書展只能吸引一些（只計香港人）平日不太讀書，去書展只係去趁墟，有Ｄ一窩蜂去一個話題場地的感覺；除了家庭觀眾（阿媽帶仔 x 4 combinations），這些人基本上就是被人標籤為平日不會看文字多的書，掛住打機等等既人；而去漫展，就係那批人...

但係其實真正愛書的，不會愛去書展；書展就像街市或者係年宵，會有平價野執，但係就會好混亂！大型書店就像超級市場，貨品價格雖然貴一點，但感覺舒服～雖然我更愛到二樓書店～麻雀雖少，但五臟俱全～有時自己一人在書店找想看的書也是樂趣～

鼓勵閱讀風氣，不是每年單靠一個書展，吸引唔知幾多萬人去入場就話成功；這個，還是要由小培養的～