Unplug - 網絡遊戲

多次想寫篇文講網絡遊戲，但是永遠遲遲未動筆…好，今天一於的起心肝好好咁寫寫
自己都玩過網絡遊戲，一隻是比較熱門的金庸群俠傳，另外一隻則是比 較少人玩的神之領域 (Asgard)…當時玩得都非常沉迷下，每個月入月費咭又或是點數，咁大約都要六七十一個月，之後因為我個人不嬲都好懶，連打機都好懶，所以一定會買外 掛（神之領域由於玩法唔同，無用到…）在外掛盛行的金庸遊戲入面，當年除左較為出名的神行太保和金庸代理還有個脫離遊戲主程式使用的外掛，為了買外掛，又 用了五百多！
金錢都係少事，主麻煩都係時間……練技能，練武功等等，全部都要時間，有時玩成日先得好少學點又或是 EXP，睇到人地勁又唔甘心，所以有會繼續放時間落去玩～
咁樣既情況都持續左三年，最後有一日突然發覺自己再玩落去真係唔掂，所以真係掂都無再掂 Online Game…那時候應該是 SARS 時候，當其他人日日在家日煲夜煲的時候，我因為父母都同我一齊放假，所以在嚴密看管下，想玩都無得玩所以只好收心讀書。

無玩一排，自己諗通左，就係網絡遊戲的所有東西都在公司個 Server 度，自己玩左乜，都得個睇字，實在無實在感…而且掛得上網比武，自己的學業又唔多好，所以一定要顧掂現實先…網絡世界永遠都係虛擬的，即使那裡武功蓋世，天下無敵，現實中也可以是一事無成！一個人生活的空間是現實世界，躲到虛擬世界裡是一種逃避的表現……在現實中的成功才是一切！

行文時剛想起那個甚麼古惑仔 Online 的 Server 事件，更證明了　
虛擬的終究是虛空　頻頻撲撲換來一場空