訪問自己：新 iPod

2005 年 10 月 13 日，蘋果電腦公佈了新的 iPod！這次的 iPod 除了更輕巧外，更有著 Video 播放功能！究竟這個蘋果粉絲對此有何看法？現在訪問這位擁有一台 Power Book…一部已絕版的 iPod Photo…蘋果電腦一出 Mighty Mouse 即買的人對此有何看法………

問：對 Video iPod 有何看法？

答：Video iPod 的推出基本上都係網上預計左既事情，即是說蘋果在今日公佈這件產品絕非出奇的事情…但係我六個幾月前當我決定買 iPod Photo 的時候根本無諗過這個 Video iPod 會在 2005 年內推出…當時以為蘋果電腦未能解決影像方面的版權問題，所以應該不會在短期內推出支援影像播放功能的 iPod…因為蘋果電腦同那些大陸公司唔同，做就一定要正正當當做，唔可以好似大陸咁做咪做囉，山高皇帝遠鬼理得你………
其實今次推出 Video iPod 在我看來都只係一個前奏……我地可以睇下 iTMS 上面所售賣的 Video 就可以發現其實仍然係以 Music Video 為主，而 Pixar 的短片其實咪即係 Steve Jobs 自己公司的產品，應該就好似左手批俾右手咁咁容易………
好明顯我地可以睇到，其他大電影商對 iPod 播 Video 一事仍然有戒心………因為始終未有電影在 iTMS 出售………

問：講開電影，可能你都知 PSP 有專用電影碟賣，點解 PSP 可以，但係 iPod 卻不行？

答： PSP 的生產商係 Sony，唔好以為 Sony 只係一間電器製造公司，其實 Sony 的商業皇國早已進軍電影業和音樂業……而且 PSP 的電影始終要特別的 CD，在管制上仍然同 DVD 一樣可以用區碼去做出限定……但係 Apple 在這方面卻由點分別，因為始終銷售點係互聯網，段片雖然話就話有保安，可以防止盜錄，但係世事永遠都係道高一寸魔高一丈，你有張良計我有過牆梯……電腦黑 客真係防不勝防………而且 PSP 個畫面咁大，蘋果的 iPod 暫時唔可以比得上………

問：其實講到底，咪又係版權問題同保安問題………當然最重要還是商業利益……如果唔係點會蠢蠢欲動想整個咩野 iPod 稅（日本）？好啦，廢話少講，咁作為一個消費者，你會唔會考慮買新的 iPod？

答： 考慮一定會有，但係問題在於佢排名幾多……如果有需要，又有錢，當然會買…但係現在我既無需要，又無錢，所以唔會買……而且播 Video…我諗我都無咁多時間去睇…雖然話現在我搭車的時候已經 iPod 長開，但係淨係聽 Podcast 都好夠……香港地始終交通方便，由香港東區去新界天水圍最多都只係要一個鐘頭多 DD…就算我開車，咁都睇唔到 Video 啦……唔駛睇路咩…所以 Video 這個功能對我來說只係一個 Gadget，並不能作為一個令我買的理由………

另外，香港現在仍然未有 iTMS，所以我諗仲未可以好似外國咁買到 Video……雖然自己 Sync 過去係無問題，但係理由如我剛剛所講，睇得咁多咩……… iTMS 的 Video 業務只是剛剛起步，而這個 iPod 相信只係一個試驗品，所以我諗如果要買，都等佢出返一排先算………香港依然未得！

問：最後想問下你希望蘋果出甚麼產品？

答： 毫無疑問當然係 Newton 再世！Newton 係世界上第一部掌上電腦，但係由於種種因素，o係 Steve Jobs 重掌蘋果後即時摺埋……今年，Windows 在掌上電腦市場那邊通吃，連 Palm 都要臣服其下……咁即係話現在的掌上電腦世界已經有 M$ 玩晒……蘋果電腦現在如果推出掌上電腦，一方面可以彌補 iPod 的不足，我好明白 iPod 只係音樂／影像播放器，要佢做埋記事簿／文書處理等功能的確有點吃力……現在我有時發現雖然時間表可以用 iPod 代替，但係 Jot Notes 點都要搵紙仔……在 Palm 苟延殘喘的現在，希望蘋果能推出掌上電腦，進佔市場……
如果 they can make things in Apple Style，我諗一定會成為一個新的話題產品！